Indzagi Lautaroning golsiz seriyasi haqida gapirdi

«Inter» bosh murabbiyi Simone Indzagi Lautaro Martinesning golsiz seriyasidan xavotirda emas.

«Neradzurrilar» sardori joriy mavsum boshidan buyon birorta ham gol ura olmadi. Forvardning so‘nggi goli 15 iyul kuni bo‘lib o‘tgan Kolumbiyaga qarshi Amerika kubogi finaliga to‘g‘ri keladi.

«Lautaroga gollar yetishmayaptimi? Yo‘q, bu muammo emas. U bizning sardorimiz, u hali o‘zining gollarini uradi. Lautaro sog‘lig‘i bilan bog‘liq muammolar bilan bir oy kech safimizga keldi. U har doimgidek optimal formaga kirib, gol urishni boshlaydi. Lauti har doim biz uchun muammo emas, yechim bo‘ladi», – dedi Indzagi chorshanba kungi Chempionlar ligasi doirasida «Manchester Siti»ga qarshi o‘yin oldidan matbuot anjumanida.

Yangilik manbasi – https://stadion.uz/