Jeymi Karrager Muhammad Salohni tanqid qilib, uni Krishtianu Ronalduga qiyosladi

«Liverpul»ning sobiq himoyachisi Jeymi Karrager jamoa hujumchisi Muhammad Saloh haqida tanqidiy fikr bildirdi.

Avvalroq misrlik futbolchi «Liverpul» avvalgi hujumkor uslubiga qaytishini istayotganini aytgan edi.

— Men hayron emasman. Men hammaga aytgandim: mavsum oxirigacha yana qandaydir voqea yuz beradi. U yana “bomba” tashlaydi, xuddi Krishtianu Ronaldu «Manchester Yunayted»dan ketishidan oldin qilganidek. Men bu mavsum tugagach, u ketganidan keyin bo‘ladi deb o‘ylagandim, ammo yo‘q. Ikki yildan kamroq vaqt oldin men uni bir intervyusi sababli xudbin deb atagandim va hozir ham bu tasdig‘ini topmoqda.

«Liverpul»ni oldinda juda muhim hafta kutmoqda. Jamoa hali Chempionlar ligasi yo‘llanmasini kafolatlaganicha yo‘q va hozir gap Liverpul haqida ketishi kerak, Saloh haqida emas, — dedi Karrager.

Muhammad Salohning «Liverpul» bilan amaldagi shartnomasi 2027 yil yozigacha mo‘ljallangan. Shunga qaramay, futbolchi mavsum yakunida ingliz klubini tark etishini allaqachon ma’lum qilgan.

Manba: championat.com

Yangilik manbasi – https://stadion.uz/