Estevao Enso Fernandesga minnatdorchilik bildirdi

Londonning «Chelsi» klubi vingeri Estevaoning o‘zi jamoadoshi Enso Fernandesga Chempionlar ligasi asosiy turniri 3-turidan o‘rin olgan Amsterdamning «Ayaks» klubiga qarshi o‘yinda penalti tepish imkoniyatini bergani uchun minnatdorchilik bildirdi.

Eslatib o‘tamiz, londonliklar birinchi bo‘lim davomida ikki marta 11 metrlik zarba yo‘llash imkoniyatiga ega bo‘ldi. Birinchisini Ernandes golga aylantirgan bo‘lsa, ikkinchi epizodda argentinalik futbolchi to‘pni 18 yoshli braziliyalikka berdi.

– Ruxsat eting, Ensoga minnatdorchilik bildiraman. U g‘ayrioddiy yigit, u menga penaltini tepish imkoniyatini berdi. Men buni kutmagan edim. Men unga qaradim, u menga to‘pni berdi va men juda xursand bo‘ldim,» – deya Estevaoning so‘zlarini keltiradi Fabrisio Romano.

Bu gol yosh futbolchi uchun Chempionlar ligasidagi debyut gol bo‘ldi. Umuman olganda, 2025/2026 yilgi mavsumda u barcha klub turnirlarida 11 ta o‘yinda maydonga tushib, ikkita gol urdi va bitta golli uzatmani amalga oshirdi. Futbolchining bozor narxi 60 mln yevroni tashkil etadi.

Yangilik manbasi – https://stadion.uz/