Levandovski Polsha terma jamoasiga qaytdi

Polsha terma jamoasi sentyabr oyidagi yig‘inga chaqiruv olgan futbolchilar ro‘yxatini e’lon qildi. Bu ro‘yxatdan «Barselona» sharafini himoya qilayotgan yulduz hujumchi Robert Levandovski ham o‘rin oldi.

Xabaringiz bor, iyun oyida Levandovski jamoaning o‘sha paytdagi bosh murabbiyi Mixal Probej bilan ziddiyat tufayli Polsha terma jamoasida o‘ynamagan edi. Iyul oyida Polsha terma jamoasini boshqa mutaxassis – Yan Ubran qabul qilib oldi. Tayinlovdan so‘ng u Levandovskini jamoada ko‘rish istagi haqida gapirdi.

Sentyabr oyida Polsha terma jamoasi JCH-2026 saralashida Niderlandiya (4 sentyabr) va Finlyandiyaga (7 sentyabr) qarshi o‘yin o‘tkazadi.

Yangilik manbasi – https://stadion.uz/