Xadson-Odoi «Nottingem Forest» bilan shartnomani uzaytirish borasida muzokaralar olib bormoqda

«Nottingem Forest» hujumchisi Kallum Xadson-Odoi klub bilan shartnomasini uzaytirish borasida muzokaralar olib bormoqda. Bu haqda Sky Sports nashri xabar berdi.

Manbaga ko‘ra, muzokaralar ijobiy ketmoqda, biroq Angliya Premyer-ligasi va A Seriya klublari vaziyatni kuzatib borishmoqda. Futbolchining klub bilan amaldagi shartnomasi 2026 yilning yoziga qadar mo‘ljallangan.

O‘tgan mavsumda Kallum Xadson-Odoi 36 ta o‘yinda 5 ta gol urdi va 3 ta golli uzatmani amalga oshirdi. Transfermarkt sayti xabariga ko‘ra, futbolchining bozor qiymati 25 million yevroga baholanmoqda.

Angliya Premyer-ligasining 2024/2025 yilgi mavsumi yakunlariga ko‘ra, «Nottingem Forest» 65 ochko bilan turnir jadvalida yettinchi o‘rinni egalladi.

Yangilik manbasi – https://stadion.uz/