Yulduz himoyachi «Real»ni tark etishi mumkin

Avstriyalik himoyachi David Alaba «Real»ni tark etib, faoliyatini boshqa chempionatda davom ettirishi mumkin. Bu haqda Todofichajes portali xabar berdi. Manbaga ko‘ra, 32 yoshli futbolchining xizmatlariga Saudiya Arabistoni klublari qiziqish bildirmoqda.

Alabaning «Los-Blankos» bilan amaldagi shartnomasi 2026 yilning yoziga qadar mo‘ljallangan. Transfermarkt portali himoyachining bozor narxini o‘n million yevroga baholamoqda.

So‘nggi paytlarda David jarohatlarga moyil edi, shuning uchun ham futbol maydonida kam vaqt o‘tkazmoqda. Ispaniya chempionatining joriy mavsumida himoyachi beshta o‘yin o‘tkazib, bitta sariq kartochka oldi.

Yangilik manbasi – https://stadion.uz/