Saloh Anrini ortda qoldirdi

«Liverpul» hujumchisi Muhammad Saloh APLning tarixiy reytingida tez sur’atlar ostida o‘sishda davom etmoqda.

Misrlik futbolchining samarali uzatmasi va goli Arne Slot jamoasiga Angliya chempionatining shanba kuni bo‘lib o‘tgan uchrashuvida (2:0) «Aston Villa»ni mag‘lub etishga yordam berdi.

Saloh butun faoliyati davomida APLda 75 ta golli uzatmani amalga oshirgan – bu ko‘rsatkich bo‘yicha u «Arsenal»ning afsonaviy sobiq hujumchisi Tyerri Anrini (74) ortda qoldirdi.

«Liverpul»ning hujumkor yetakchisi Premyer-ligadagi barcha davrlardagi eng yaxshi assistentlar ro‘yxatida 13-o‘rinni egallab turibdi.

Rayan Giggz 162 ochko bilan peshqadamlik qilmoqda. Faol futbolchilardan faqat Kevin de Bryuyne (113), Jeyms Milner (89) va Kristian Eriksen (76) Salohdan oldinda.

Yangilik manbasi – https://stadion.uz/