«Liverpul» himoyachisiga o‘rinbosar topildi

«Liverpul» chap qanot himoyachisi Endryu Robertsonning potensial o‘rinbosarini aniqladi.

Shotlandiyalik futbolchi mart oyida 31 yoshga to‘ladi va «qizillar» uzoq muddatda futbolchining o‘rnini kim egallashi haqida allaqachon o‘ylamoqda.

Football Insider xabariga ko‘ra, bu rolga “bo‘rilar” a’zosi Rayan Ait-Nuri taklif qilinmoqda. Transfermarkt portali jazoirlik futbolchining narxini 35 million yevroga baholamoqda.

Joriy mavsumda “bo‘rilar”ning 23 yoshli futbolchisi Premyer-liganing o‘nta uchrashuvida uchta gol va ikkita golli uzatmani amalga oshirdi.

Ait-Nurining amaldagi shartnomasi 2026 yilgacha mo‘ljallangan, biroq avtomatik ravishda 2027 yilgacha uzaytirish imkoniyatini o‘z ichiga oladi.

Yangilik manbasi – https://stadion.uz/