Van Deyk Gamburgdagi stadion chimi sifatini tanqid qildi

Niderlandiya terma jamoasi markaziy himoyachisi Virjil van Deyk Polsha bilan 2024 yilgi Yevropa chempionati 1-tur uchrashuvi bo‘lib o‘tadigan stadiondagi maydon sifatini tanqid qildi.

«Bu qanchalik yomon ekanini hozircha bilmayman, ammo vaziyat Frankfurtda Germaniya bilan o‘yinda sodir bo‘lgan voqealarga o‘xshaydi. Maydonda hammasi yaxshi emas. Bu uyat, lekin jamoalar bu bilan kurashishga majbur bo‘ladi», – dedi futbolchi.

Bugun, 16 iyun kuni Gamburgdagi stadionda Niderlandiya va Polsha terma jamoalari o‘rtasidagi uchrashuv bo‘lib o‘tadi.

Yangilik manbasi – https://stadion.uz/