«Milan» A Seriyada 100 foizlik natija qayd etmoqda

«Milan» Italiya chempionatini uchta g‘alaba bilan boshladi.

Stefano Pioli shogirdlari A Seriyaning 3-turida «Roma»ni mag‘lub etishdi (2:1). Ular Fikayo Tomorining chetlatilishi natijasida 61-daqiqadan boshlab ozchilikda o‘ynashdi.

Bungacha “rossonerilar” “Torino”ni mag‘lub etgan (4:1), “Bolonya” ustidan g‘alaba qozongan (2:0).

«Roma» esa hali g‘alaba qozona olgani yo‘q. Joze Mourinyo boshchiligidagi jamoa «Salernitana» bilan durang (2:2) bilan mavsumni boshlandi, shundan so‘ng “Verona”ga imkoniyatni boy berdi (1:2).

Keyingi turda rimliklar “Empoli”ni qabul qiladi (17 sentyabr), “Milan”ni esa “Inter” bilan derbi (16 sentyabr) kutmoqda.

Yangilik manbasi – https://stadion.uz/