Verratti Qatar klubiga o‘tishga yashil chiroq yoqish arafasida

Marko Verratti katta ehtimol bilan faoliyatini Qatar chempionatida davom ettiradi.

«PSJ» yarim himoyachisi «Al-Arabiy»ga o‘tishi mumkin. Doha klubi parijliklarga bonuslar bilan birga 45 million yevro taklif qildi, klublar kelishuvga yaqin.

Endi futbolchining o‘zi o‘tishga rozi bo‘lishi kerak. Agar bu sodir bo‘lsa, tranzaksiya juda tez amalga oshiriladi.

Qayd etilishicha, «PSJ» Verrattini rejalariga kiritmagan, bu haqda u futbolchini xabardor qilgan.

Liga 1ning so‘nggi mavsumida Marko 29 ta o‘yinda gol ura olmadi.

Yangilik manbasi – https://stadion.uz/