Ukrainalik futbolchi «Jenoa» bilan kelishuvga erishgan

«Marsel»ning ukrainalik yarim himoyachisi Ruslan Malinovskiy Italiya chempionatiga qaytishga yaqin.

Sky Sports xabariga ko‘ra, «Jenoa» futbolchini ijaraga olish bo‘yicha kelishuvga erishgan. Endi bu kelishuvning yakuniy bosqichi futbolchining o‘ziga bog‘liq.

Eslatib o‘tamiz, Malinovskiy «Marsel» tarkibiga nisbatan yaqinda – 2023 yilning yanvarida kelib qo‘shilgan edi.

Biroq, klubga yangi murabbiy Marselino Garsiya Toral kelganidan so‘ng, futbolchi yangi murabbiyning nazaridan chetda qoldi va endi faoliyatini davom ettirish uchun yangi variantlarni qidirmoqda.

Yangilik manbasi – https://stadion.uz/