Ostin Salohga umid bildirdi

«Sautgempton»ning sobiq hujumchisi Charli Ostin Muhammad Salohning «Liverpul»dagi holati haqida gapirdi.

Avvalroq, misrlik futbolchi ketma-ket uchta o‘yinda asosiy tarkibdan chetda qolganidan keyin klubning unga bo‘lgan munosabatini tanqid qilgan edi.

Shundan so‘ng, «qizillar» Salohni Chempionlar Ligasining 6-turida (1:0) «Inter»ga qarshi o‘yinda tarkibdan chiqarib yuborishdi.

— Muhammad Saloh klubdagi so‘nggi o‘yinini o‘tkazdimi?

— Yo‘q, menimcha unday emas. Menimcha, u shu hafta oxiri yana «Liverpul» safida o‘ynaydi.

— Lekin bundan oldin u uzr so‘rashi kerak emasmi?

— Albatta. Lekin men aytmoqchi bo‘lgan narsa shuki, agar suhbat bo‘lib o‘tsa, u shu hafta oxiri o‘yinlarga kiritiladi va keyin u Afrika Millatlar Kubogiga boradi.

Yangilik manbasi – https://stadion.uz/