«Vest Xem» murabbiyi Slotni ishdan bo‘shatishga «turtki berishi» mumkinligi haqida gapirdi

«Liverpul» so‘nggi 12 o‘yinning 9 tasida mag‘lub bo‘ldi. Arne Slot bosim ostida, jamoani oldinda «Vest Xem»ga qarshi safar uchrashuvi kutib turibdi.

Agar londonliklar g‘alaba qozonsa, u holda Slot Mersisayd klubini tark etishga yaqinlashishi mumkin. «Bolg‘achilar» jamoasi bosh murabbiyi Nunu Eshpiritu Santuga matbuot anjumanida tegishli savol bilan murojaat qilindi.

«Dunyodagi barcha murabbiylarga nisbatan qachonlardir savollar paydo bo‘ladi. Matbuot bu masalalarni ko‘taradi – bu sanoatning bir qismi. Men Slot bilan salomlashaman va o‘zimni odatdagidek tutaman. Siz so‘rayotgan ekansiz, men o‘zim haqimda o‘ylayapman: futbolchilarimga qanday yordam berishim mumkin, o‘yinga qanday tayyorgarlik ko‘rishimiz kerak. U boshlanganda biz Slot bilan raqobatlashishimiz kerak bo‘ladi», – dedi Eshpiritu Santu jurnalistlarga.

«Vest Xem» va «Liverpul» jamoalari 30 noyabr, yakshanba kuni o‘zaro bahs olib boradi.

Yangilik manbasi – https://stadion.uz/