Konte: «Ular bizni o‘ldirish uchun kelishdi, ammo biz o‘lishdan bosh tortdik»

Antonio Konte «Inter»ga qarshi o‘yindan so‘ng (3:1) «Napoli»ning g‘alabaga bo‘lgan intilishini qayd etdi.

«Men o‘yinni futbolchilarim bilan birga o‘tkazyapman va biz Italiyadagi eng yaxshi tarkibga qarshi o‘ynadik. «Inter» ma’lum miqdorda ochko yo‘qotdi, ammo qog‘ozda qolganlarga nisbatan umuman boshqa darajadagi tarkibga ega. U uch yil ichida Chempionlar ligasining ikkita finalida o‘ynagani bejiz emas.

«Inter» bugun bizni sportcha o‘ldirish istagi bilan chiqdi, chunki u ajoyib formada edi va ketma-ket yetti marta g‘alaba qozondi, biz esa «Torino» va PSVga yutqazdik.

Mavsumning mana shunday pallasida sen raqibingni o‘ldirishing kerak, ammo biz o‘lmoqchi emasdik. Barcha muammolarga qaramay, biz ajoyib o‘yin o‘tkazdik», – dedi «Napoli» bosh murabbiyi.

Yangilik manbasi – https://stadion.uz/