Gavi Ispaniya terma jamoasining sentyabr oyidagi o‘yinlarini o‘tkazib yuborishi mumkin

«Barselona» yarim himoyachisi Gavi ehtiyot chorasi sifatida sentyabr oyida bo‘lib o‘tadigan JCH-2026 saralashida Ispaniya terma jamoasi qaydnomasidan chetlatilishi mumkin.

Catalunya Radio radiosining xabar berishicha, 21 yoshli ispaniyalik futbolchi tizzasidagi noqulaylik tufayli kataloniyaliklarning juma kungi mashg‘ulotlarini muddatidan oldin yakunlagan. Manbaga ko‘ra, futbolchi holatini yanada aniqroq baholash uchun bir qator tibbiy ko‘riklardan o‘tadi.

Gavi o‘tgan mavsumda o‘ng tizzasining oldingi xochsimon boylami yirtilgani sababli uzoq vaqt maydonga tushmagandi.

Yangilik manbasi – https://stadion.uz/