«Borussiya Dortmund» APLdan hujumchi olib keldi

Dortmundning «Borussiya» klubi «Vulverxempton» hujumchisi Fabiu Silvaga 5 yillik shartnoma taklif qildi, deb yozdi X ijtimoiy tarmog‘ida insayder Sasha Tavolyeri.

Manbaga ko‘ra, tez orada klublar 23 yoshli portugaliyalik futbolchining transferi bo‘yicha muzokara o‘tkazadi.

Transfermarkt portali futbolchining narxini 20 million yevroga baholamoqda.

Silva o‘tgan mavsumda ijara asosida «Las-Palmas» sharafini himoya qilgan edi. 25 ta o‘yinda u 10 ta gol urdi va 3 ta golli uzatmani amalga oshirdi.

Yangilik manbasi – https://stadion.uz/