Rasman: «Milan» futbolchisi «Bolonya»ga o‘tdi

Yarim himoyachi Tommazo Pobega yana «Bolonya» futbolchisiga aylanadi. «Milan» xavbekni yana bir yilga ijaraga berdi. Bitim qiymati 1 mln yevroga baholanmoqda.

Eslatib o‘tamiz, 26 yoshli Pobega o‘tgan mavsumni to‘liq «Bolonya»da ijarada o‘tkazgan edi. Futbolchi «Milan» tarbiyalanuvchisi hisoblanadi, ammo bu uning «rossonerilar»dan boshqa klubga oltinchi ijarasi bo‘ldi. Tommazoning «Milan» bilan shartnomasi 2027 yilning yozigacha amal qiladi.

«Bolonya» Vinchenso Italiano qo‘l ostida o‘tgan mavsum yakunlariga ko‘ra Italiya kubogi sohibiga aylandi, jamoa kelasi mavsumda UYEFA Yevropa ligasida ishtirok etadi. O‘tgan mavsumda «Bolonya» Chempionlar ligasida o‘ynagan edi.

Yangilik manbasi – https://stadion.uz/