«Aston Villa» Niderlandiya terma jamoasi darvozaboni bilan shartnoma imzolashi mumkin

«Brest» darvozaboni Marko Bizot tez orada Angliyaning «Aston Villa» klubi safiga borib qo‘shilishi mumkin. Bu haqda Fransiyaning L’Equipe nashri xabar bermoqda.

Manbaga ko‘ra, Niderlandiya terma jamoasi safida 1 ta o‘yin o‘tkazgan ushbu futbolchiga bo‘lgan qiziqish argentinalik Emiliano Martinesning ketishi bilan bog‘liq bo‘lishi mumkin.

34 yoshli Bizot «Vestfrizen» va «Ayaks» klublari tarbiyalanuvchisi hisoblanadi. Kattalar miqyosida u «Ayaks», «AZ Alkmaar», «Kambyur», «Groningen» va Belgiyaning «Genk» klublarida o‘ynagan.

Marko 2021 yilda «Brest»ga o‘tgan. U o‘tgan mavsumda 41 ta o‘yinda maydonga tushib, 68 ta gol o‘tkazib yuborgan. Uning hisobida 12 ta «quruq» o‘yin bor. Darvozabonning bozor narxi 3 million yevroga baholanmoqda.

Yangilik manbasi – https://stadion.uz/