«Siti» yosh hujumkor yarim himoyachisi bilan xayrlashishi mumkin

«Manchester Siti» hujumkor yarim himoyachisi Jeyms Makeyti yozgi transferlar oynasida jamoani tark etishi mumkin. Bu haqda insayder Fabrisio Romano xabar bermoqda.

Manbaga ko‘ra, «Manchester Siti» 22 yoshli tarbiyalanuvchisini 23-29 mln yevro evaziga qo‘yib yuborishga tayyor. Jurnalistning ma’lumotiga ko‘ra, Makeytiga Bundesliga, APL va A Seriya klublari qiziqish bildirmoqda. Ta’kidlanishicha, vaziyatni diqqat bilan kuzatib borayotgan «Atalanta» tomonidan ham qiziqish mavjud.

2024/25-yilgi mavsumda Makati barcha turnirlarda 27 ta o‘yinda maydonga tushib, yettita gol urdi. Futbolchining «shaharliklar» bilan shartnomasi kelasi yozda yakuniga yetadi.

Yangilik manbasi – https://stadion.uz/