Ansu Fati ijaraga yo‘l olishdan oldin «Barsa» bilan yangi shartnoma imzolaydi

Ansu Fati «Monako»ga o‘tishdan oldin «Barselona» bilan shartnomasini uzaytiradi.

Avvalroq, yarim himoyachi keyinchalik sotib olish huquqi bilan ijara asosida Liga 1 klubiga o‘tishga yaqinligi haqida xabarlar tarqalgan edi.

Cadena SER xabariga ko‘ra, ijara oldidan «Barselona» Fati bilan shartnomani yana bir mavsumga – 2028 yilgacha uzaytirmoqchi. Amaldagi bitim 2027 yilning yozida o‘z nihoyasiga yetadi.

Ma’lum qilinishicha, Fatini sotib olish qiymati taxminan 11 mln yevroni tashkil qiladi. Shu bilan birga, agar «Monako» Fatining to‘laqonli transferini amalga oshirishga qaror qilsa, «Barselona» uni sotib olish huquqiga ega bo‘ladi – uning qiymati taxminan 28 mln yevroni tashkil qilishi kutilmoqda, ammo klublar hali ham kelishuv tafsilotlarini muhokama qilmoqda.

Yangilik manbasi – https://stadion.uz/