Flik Yamalga: «Agar Ronaldu yoki Messi darajasiga chiqmoqchi bo‘lsangiz, xotirjam bo‘lishingiz kerak»

Xans-Diter Flik Lamin Yamal uchun izchillik muhimligi haqida o‘z fikrlari bilan o‘rtoqlashdi.

“Barselona” vingeri Chempionlar ligasi yarim finali “Inter”ga qarshi birinchi o‘yinda (3:3) gol urdi.

«Agar bu darajada o‘ynashga qodir bo‘lsangiz, uni qanday ushlab turishni tushunishingiz kerak. Bu bir o‘yinda shunday natija ko‘rsatish haqida emas. Lamin buni tushunadi.

Unga nafaqat iste’dod, balki mehnat ham kerakligini tushunadi.

Agar siz Krishtianu Ronaldu yoki Lionel Messi darajasiga erishmoqchi bo‘lsangiz, xotirjam bo‘lishingiz kerak.

Biz u 17 yoshida shu darajaga yetganidan juda xursandmiz, lekin bilamizki, u bu darajada barqaror bo‘lishi va hatto uni yaxshilash uchun ko‘p mehnat qilishi kerak», – deydi “Barselona” bosh murabbiyi Xansi Flik.

Yangilik manbasi – https://stadion.uz/