Flik: «Butun himoyamiz ajoyib o‘ynadi»

«Barselona» bosh murabbiyi Xans-Diter Flik «Real» bilan o‘yinda (4:0) jamoaning himoyadagi ishtirokini qayd etdi.

Kataloniyaliklar 54, 56, 77 va 84-daqiqalarda raqiblarini ranjitishdi. Dastlabki ikki holatda Robert Levandovski, keyin esa Lamin Yamal va Rafinya gol urishdi.

«Barcha o‘yinchilar rejaga amal qilishmoqda, bu juda quvonarli. Men bu yerda ish boshlaganimda, biz o‘yinchilar o‘z salohiyatlarini to‘liq rivojlantirishlari uchun ijobiy muhit yaratish qanchalik muhimligi haqida gapirgandim.

Bizda ajoyib mentalitet bor. Har bir o‘yin alohida hikoya, biz o‘yinga tuzatish kiritamiz. Bugun butun himoyamiz ajoyib o‘ynadi va Inigo Martines ayniqsa yaxshi edi. Inyaki [Pena] ham ajoyib o‘ynadi», – dedi Flik.

Yangilik manbasi – https://stadion.uz/