Iraola hakamning qaroridan norozi

Andoni Iraolaning aytishicha, «Bornmut» Evanilsonning chetlatilishi bo‘yicha apellyasiya beradi.

APLning 34-turida “Bornmut” “Manchester Yunayted” bilan durang o‘ynadi (1:1). 70-daqiqada Evanilson Nussair Mazrauiga zarba bergani uchun maydondan chetlatildi – hakam Piter Benks dastlab forvardga sariq kartochka ko‘rsatdi, biroq videotakrorni ko‘rib chiqib, uni to‘g‘ridan-to‘g‘ri qizil kartochkaga almashtirdi.

«Futbol o‘ynagan odam tushunadi. U sirpanib ketdi. U raqibni ataylab tepmadi, ammo buning oqibati qizil kartochkaga loyiq ko‘rildi va menimcha, qaror adolatsiz bo‘ldi. U yana uchta o‘yinni o‘tkazib yuboradi. Biz uchun oqibati katta yo‘qotish bo‘ldi.

Albatta, biz shikoyat qilamiz», – dedi “Bornmut” bosh murabbiyi.

Yangilik manbasi – https://stadion.uz/