«Humo» safarda «Irtish»ni mag‘lubiyatga uchratdi

Toshkentning «Humo» xokkey klubi Qozog‘iston chempionati doirasidagi navbatdagi o‘yinini o‘tkazdi.

«Qanotlilar» Ostona shahrida «Irtish» klubi mehmoni bo‘lishdi. Yettita shayba kiritilgan o‘yinda «Humo» 4:3 hisobida g‘alaba qozondi.

Denis Ludsev dublga erishgan bo‘lsa, qolgan ikki golga Yegor Buyalskiy va Anton Astashevich mualliflik qildi. 

Jamoalar shu kunga qadar kechagi uchrashuv bilan qo‘shib hisoblaganda 13 ta o‘yin o‘tkazib, ularning barchasida «Humo» zafar quchgan.

Jamoamiz Qozog‘iston chempionatining joriy mavsumida hozircha 25 ta o‘yindan keyin 33 ochko jamg‘argan holda 5-o‘rinni egallab turibdi.

«Humo»ga nisbatan ikki o‘yin kam o‘tkazgan autsayder «Irtish» esa 6 ochko bilan so‘nggi, 11-pog‘onadan joy olgan.

Yangilik manbasi – https://stadion.uz/