Xerardo Martino: «Messi gol urish imkoniyatini his qiladi»

«Inter Mayami» bosh murabbiyi Xerardo Martino argentinalik hujumchi Lionel Messining «Real Solt Leyk»ga qarshi (2:0) muntazam mavsumdagi ilk uchrashuvidagi o‘yini haqida gapirdi.

Messi asosiy tarkibda maydonga tushdi, butun o‘yinni to‘liq o‘tkazdi va 39-daqiqada Robert Teylorga golli uzatmani amalga oshirdi.

«Men uni juda erkin, juda chiroyli va katta tezlikda ko‘rdim. Unda boshqa o‘yinchilarda yo‘q narsa bor: u darvozadan uzoqda bo‘lsa ham to‘pni egallab oladi va gol urish imkoniyatini his qiladi», – deya Martinoning so‘zlarini keltiradi MLS rasmiy sayti.

Yangilik manbasi – https://stadion.uz/