Lopetegi APL va Saudiyadan tushgan takliflarga rad javob berdi

Ispaniyaning «Sevilya» va Angliyaning «Vulverxempton» klubi sobiq bosh murabbiyi Xulen Lopetegi so‘nggi haftalarda ikkita taklifni rad etdi, deya xabar beradi jurnalist Nikolo Skira ijtimoiy tarmoqlarda.

Manbaga ko‘ra, takliflardan biri Angliyaning «Kristal Pelas» klubidan, ikkinchisi esa Saudiya Arabistonining nomi oshkor etilmagan klubidan bo‘lgan. Qayd etilishicha, ispaniyalik mutaxassis muhimroq klubdan taklif kutmoqda. U Angliya Premyer-ligasini afzal ko‘radi.

Eslatib o‘tamiz, Xulen Lopetegi 2023 yil avgustida «Vulverxempton»ni tark etganidan beri klubsiz qolgandi. Avvalroq Lopetegi “Real”, “Rayo Valyekano”, Ispaniya terma jamoasi va “Portu”da ham ishlagan. Murabbiy sifatida Xulen 2019/2020-yilgi mavsumda Yevropa ligasida g‘olib chiqdi – o‘shanda ispaniyalik “Sevilya” boshqaruvida edi.

Yangilik manbasi – https://stadion.uz/