Godin Feliksning asosiy muammosi nima ekanligini aytdi

Madridning “Atletiko” klubi sobiq himoyachisi Diyego Godin Joau Feliksning holati haqida o‘z fikrlari bilan o‘rtoqlashdi.

Portugaliyalik hujumchi yozgi transfer oynasi yopilguncha klubini o‘zgartirmoqchi. Yaqinda u «Barselona»da o‘ynash istagini ochiq e’lon qildi, bu «Atletiko»ning jahlini chiqardi.

“Feliks bilan muammo uning egosidir. Simeone uchun jamoa har qanday individual futbolchidan muhimroq va Joauda bu borada muammolar bo‘lsa ajab emas. U juda qobiliyatli futbolchi, lekin u hech qachon murabbiyga ham, jamoaga ham yaqin bo‘lmagan. Feliks o‘z nafsini klubdan, muxlislardan va murabbiydan ustun qo‘yadi», – deya urugvaylik sobiq futbolchining so‘zlaridan iqtibos keltiradi jurnalist Alfredo Pedulla.

Yangilik manbasi – https://stadion.uz/