Shou: «Rostini aytsam, Mauntni «MYU»da ko‘rish juda g‘alati»

«Manchester Yunayted» himoyachisi Lyuk Shou yarim himoyachi Meyson Mauntni o‘z jamoasida ko‘rishga hali o‘rganmaganligini aytdi.

Maunt iyul oyi boshida «Chelsi»dan «Manchester Yunayted»ga ko‘chib o‘tdi va yana bir mavsumga uzaytirish imkoniyati bilan besh yillik shartnoma imzoladi. Futbolchi 2019 yildan beri London klubining asosiy jamoasida o‘ynab kelayotgandi.

Transfermarkt nashri xabariga ko‘ra, «Manchester Yunayted» 24 yoshli angliyalik futbolchi uchun 64,2 million yevro to‘lagan.

«Rostini aytsam, Mauntni «Manchester Yunayted»da ko‘rish juda g‘alati, lekin u hozir biz bilan ekanligidan juda xursandman. Yangi kelganlar jamoa va xodimlar bilan tanishishda davom etmoqda», – dedi Shou The Mirror bilan suhbatda.

Yangilik manbasi – https://stadion.uz/