«Yuventus»ning Vlaxovich bilan yangi shartnomasi bo‘yicha muzokaralar qanday ketayotgani ma’lum

Hujumchi Dushan Vlaxovich hamon «Yuventus» bilan yangi shartnoma bo‘yicha kelishuvdan yiroq.

25 yoshli futbolchining shartnomasi kelasi yilning o‘rtalarida o‘z nihoyasiga yetadi. Insayderlar Matteo Moretto va Fabrisio Romanoning so‘zlariga ko‘ra, vaziyat murakkabligicha qolmoqda: tomonlar yangi shartnoma shartlari bo‘yicha murosaga yaqin ham emas – Turin klubi hujumchining moliyaviy talablarini qondira olmaydi. Vaziyat qanchalik uzoq vaqt o‘zgarmasa, futbolchining erkin agent sifatida ketish ehtimoli shunchalik yuqori bo‘ladi, chunki 2026 yil boshidan boshlab u boshqa klublar bilan muzokaralar olib borishi mumkin.

Joriy mavsumda Dushan 15 ta o‘yinda 6 ta gol urdi va 1 ta golli uzatmani amalga oshirdi.

Yangilik manbasi – https://stadion.uz/