«Manchester Siti» yana bir himoyachi transferini amalga oshiradi

«Valyadolid» markaziy himoyachisi Juma Ba «Manchester Siti»ga o‘tishga yaqin turibdi.

Insayder Fabrisio Romano xabar berishicha, ingliz grandi 18 yoshli Siyerra-leonelik futbolchining transferi bo‘yicha og‘zaki kelishuvga erishdi. Transferdan so‘ng, «shaharliklar» markaziy himoyachini «Lans»ga ijaraga yuborishlari mumkin. «Manchester Siti» rahbariyati Abduqodir Husanov bo‘yicha kelishuvdan so‘ng Fransiya klubi bilan yaxshi munosabatda.

Juma Ba La Liganing joriy mavsumida «Valyadolid» safida 12 ta o‘yin o‘tkazdi. Istiqbolli afrikalik futbolchi aprel oyida 19 yoshini nishonlaydi.

Yangilik manbasi – https://stadion.uz/