Saudiya mezbonligida o‘tadigan Osiyo kubogi-2027 o‘tkazilish sanalari aniq bo‘ldi

OFK 2027 yilda Saudiya Arabistoni maydonlarida o‘tkaziladigan 19-Osiyo kubogi sanalarini ma’lum qildi.

Unga ko‘ra, qit’a birinchiligi uchun kurash eng kuchli 24 jamoa ishtirokida 2027 yilning 7 yanvaridan 5 fevraliga qadar bo‘lib o‘tadi.

Qayd etilishicha, turnir Ar-Riyod, Jidda va Al-Hobar shaharlaridagi 8 ta stadionda («King Fahd Sports City», «King Abdullah Sports City», «Al-Hobar», «Kingdom Arena», «King Saud University», «Prince Abdullah Al Faisal Sports City», «Imom Muhammad ibn Saud» va «Al-Shabab») o‘tkaziladi.

Eslatib o‘tamiz, O‘zbekiston Milliy terma jamoasi turnir ishtirokchisi sanaladi.

Yangilik manbasi – https://stadion.uz/