«Real» – «Barselona». O‘yinning eng yaxshi futbolchisi kim bo‘ldi?

Ispaniya chempionatining 11-turi doirasida Kataloniyaning «Barselona» klubi safarda «Real»ga qarshi bahs olib bordi.

Xans-Diter Flik shogirdlari «Qirollik klubi»ni 4:0 hisobida mag‘lub etishdi. Whoscored portali ekspertlari o‘tgan «El-Klasiko»ning eng yaxshi o‘yinchisini aniqladi. Eng yuqori baho polshalik markaziy hujumchi Robert Levandovskiga berildi, u ikkita gol urdi. U 9,2 ball oldi.

Kechagi «El-klasiko»dagi g‘alaba evaziga Kataloniya jamoasi Karlo Anchelotti shogirdlari bilan oradagi farqni oshirdi. «Barselona» ayni damda La Ligada «Los Blankos»dan 6 ochko oldinda.

Yangilik manbasi – https://stadion.uz/