«Fulxem» va «Vulverxempton» «Liverpul» yarim himoyachisiga ko‘z tikishmoqda

«Fulxem», «Vulverxempton», «Ipsvich» klublari «Liverpul»ning 31 yoshli himoyachisi Vataru Endoga qiziqish bildirmoqda.

Manbaning xabariga ko‘ra, mersisaydliklar yaponiyalik futbolchi uchun 15-20 million yevro miqdoridagi takliflarni ko‘rib chiqishga tayyor. Ta’kidlanishicha, Endo doimiy ravishda o‘yin muddatini oladigan klubga o‘tmoqchi.

Joriy mavsumda yarim himoyachi barcha musobaqalarda to‘rtta uchrashuvda qatnashib, 85 daqiqani maydonda o‘tkazdi. Futbolchining klub bilan amaldagi mehnat shartnomasi 2027 yilning yoziga qadar amal qiladi.

Yangilik manbasi – https://stadion.uz/