Fransiya prezidenti Mbappening Olimpiadaga borishiga ta’sir qilishi mumkin

Madridning «Real» klubi o‘zining fransiyalik futbolchilarini Parijda bo‘lib o‘tadigan Olimpiada o‘yinlariga qo‘yib yubormaslikka qaror qildi. Bu haqda Sport.es xabar bermoqda.

Manbaga ko‘ra, bu qaror hujumchi Kilian Mbappega ham ta’sir qilishi mumkin, so‘nggi ma’lumotlarga ko‘ra, u allaqachon Madrid klubi bilan shartnoma imzolagan. Shu bilan birga, futbolchining o‘zi ham uydagi Olimpiadada qatnashish niyatida.

Manba ta’kidlaganidek, agar «Real Madrid» Mbappega yon bermasa, Fransiya prezidenti Emmanuyel Makron shaxsan bu vaziyatga aralashib, «Los-Blankos»ni 25 yoshli hujumchini Olimpiada o‘yinlariga qo‘yib yuborishga ko‘ndirishi mumkin.

2024 yilgi yozgi Olimpiada o‘yinlari 26 iyuldan 11 avgustga qadar o‘tkazilishi rejalashtirilgan.

Yangilik manbasi – https://stadion.uz/