«Barselona» rahbariyati jamoaning YECHLdagi muvaffaqiyatiga ishonmoqda

«Barselona» rahbariyati jamoaning Chempionlar ligasida g‘olib chiqish imkoniyatini baholadi.

«Blaugrana» La Ligada yaxshi o‘yin ko‘rsatmayapti: hozirda Xavi Ernandes jamoasi turnir jadvalida atigi to‘rtinchi o‘rinda, peshqadam «Jirona»dan 9 ochko ortda qolmoqda. Oldinda hali 21 tur bor, ammo «Barselona»ning chempionlikni himoya qilish imkoniyati pastdek ko‘rinmoqda.

Jurnalist Ashraf bin Ayadning so‘zlariga ko‘ra, klub bu mavsumda Chempionlar ligasida g‘alaba qozonishni amalga oshirish mumkin bo‘lgan vazifa deb hisoblamoqda. Yevropa arenasidagi muvaffaqiyat Kataloniya grandiga chempionatdagi muvaffaqiyatsizliklarining o‘rnini to‘ldirishga yordam berishi mumkin.

Eslatib o‘tamiz, “Barselona” YECHL 1/8 finalida “Napoli”ga qarshi bahs olib boradi.

Yangilik manbasi – https://stadion.uz/