Qarib quyilmagan braziliyalik
Ailton Gonsalves da Silva 1973 yil 19 iyulda Mozeyro Paraiba hududida tug‘ilgan, — braziliyalik futbolchi va hujumchi.
U 2004 yilda Bundesliganing eng yaxshi to‘purari va Germaniyada yilning eng yaxshi futbolchisi unvoniga sazovor bo‘lgan birinchi xorijlik bo‘lgan.“Verder” klubidagi o‘yinlari bilan tanilgan.
Ailton Bundesligada 100dan ortiq gol urgan to‘rtinchi xorijlik futbolchidir. Undan oldinroq, 100dan ortiq gol urgan futbolchilar Jovanni Elber (133), Klaudio Pizarro (142), Stefan Chapuisa (106) bo‘lgan.
2008 yilda u Avstriyaning “Altax” jamoasida o‘ynagan, avgust oyi oxirida u klubdan ketgan.
2009 yil 12 martda Ailton o‘sha paytda Braziliyaning ikkinchi muhim ligasida (B seriya) o‘ynagan “Kampinense” klubi bilan shartnoma imzoladi. “Kampinense” S Seriyaga tushib ketganidan so‘ng forvard jamoada uzoq qolmadi va 1 o‘yinda 1 gol urgach, 2009 yilning yozida Xitoy Superligasida o‘ynaydigan Xitoyning «Chongqing Lifan» klubi bilan shartnoma imzoladi.
Biroq, bu yerda ham futbolchi o‘z o‘rnini topa olmadi va birorta ham rasmiy o‘yin o‘tkazmasdan, Ailton Germaniyaga qaytdi. 2009 yil 2 dekabrda Germaniyaning oltinchi divizioni “Uerdingen 05” klubi 36 yoshli braziliyalik bilan 2011 yilning 30 iyuniga qadar shartnoma imzoladi.
2010 yilning yozida u Bremenning to‘rtinchi divizion klubi “Oberneuland” bilan shartnoma imzoladi. 2011 yil 4 fevralda klub bilan shartnoma bekor qilindi. 2011 yilning bahorida u “Rio Branko” klubiga o‘tdi.
Ailton hech qachon Braziliya terma jamoasida o‘ynamagan. “Verder”dagi o‘yinlari paytida Qatar vakillari futbolchiga ushbu mamlakat terma jamoasida o‘ynashi uchun bir necha million dollar taklif qilishgan.
Germaniya Bundesligasi tarixidagi eng yorqin hujumchilardan biri, “Verder”da Germaniya chempioni, Ukrainada Donetskning “Metallurg” jamoasida o‘ynashga muvaffaq bo‘lgan va UEFA kubogida “Shalke” safida “Shaxtyor” darvozasiga gol urgan braziliyalik Aylton deyarli 50 yoshida futbol maydonida yana mo‘jiza yaratdi, deb xabar bermoqda Bild.
Faoliyati davomida sodiqligi bilan ajralib turmagan mashhur hujumchining vazni hozir 100 kg (bo‘yi 178 sm), ammo bu uning yana gol urishiga to‘sqinlik qilmayapti. 49 yoshli braziliyalik Germaniyadagi havaskorlar ligalaridan birida “Bassem” jamoasi tarkibida to‘liq o‘yin o‘tkazdi va eng prinsipial raqibi “Tvistringen” bilan bo‘lgan bahsda (2:2) aniq zarba bilan jamoasini mag‘lubiyatdan qutqarib qoldi. Mingga yaqin muxlislar afsonaning maydonga qaytishiga guvoh bo‘lishdi, garchi odatda bir necha o‘nlab odamlar Bassemning uy uchrashuvlariga borishardi.
Boz ustiga, Ailton o‘sha o‘yinda sheriklarining pasidan so‘ng gol urib uni jamoadoshlari bilan birga Krishtianu Ronaldu uslubida nishonlashdi.
“Verder” muxlislarining sevimli futbolchisi Bundesligadan tashqari, Braziliya, Meksika, Serbiya, Ukraina, Turkiya, Shveysariya, Avstriya va Xitoy chempionatlarida ham o‘ynab, faoliyatini 2012 yilda yakunlagan.
Manba: www.stadion.uz.
Yangilik manbasi – https://stadion.uz/
