Vitinya «Bavariya»ga qarshi o‘yingacha safga qaytadimi?

«PSJ» yarim himoyachisi Vitinya Chempionlar ligasi doirasidagi «Bavariya»ga qarshi muhim uchrashuvda ishtirok etishi kutilmoqda. Bu haqda L’Equipe nashri xabar bermoqda.

Portugaliyalik futbolchi kecha oqshom «Lion»ga qarshi kechgan bahsda tovon sohasidagi yallig‘lanish tufayli jarohat olgan edi. Biroq tibbiy ko‘riklar natijasi va klub shifokorlarining xulosasiga ko‘ra, jarohat jiddiy emas.

Ham «PSJ» rahbariyati, ham futbolchining yaqinlari Vitinya kelasi haftada bo‘lib o‘tadigan to‘qnashuvgacha to‘liq tiklanishiga ishonch bildirishmoqda.

Yangilik manbasi — https://stadion.uz/