Spalletti Yildiz bilan shartnomani uzaytirish borasida fikr bildirdi

«Yuventus» bosh murabbiyi Luchano Spalletti klub hujumchisi Kenan Yildiz bilan shartnomani uzaytirishi mumkinligi haqida gapirdi.

«Men hammasini ko‘ryapman va eshityapman, lekin bu bilan klub shug‘ullanishi kerak. Biz uchun Kenan — o‘yinni o‘zgartira oladigan futbolchi. U yetakchi xulq-atvorga ega,» — dedi Spalletti.

Joriy mavsumda Yildiz «Yuventus» safida barcha musobaqalarda 18 ta o‘yinda maydonga tushib, 6 ta gol urdi va 6 ta golli uzatmani amalga oshirdi. Kenanning Turin klubi bilan amaldagi mehnat shartnomasi 2029 yilning yozigacha mo‘ljallangan. Transfermarkt portalida keltirilgan ma’lumotlarga ko‘ra, futbolchining bozor narxi 75 mln yevroni tashkil etadi.

Yangilik manbasi — https://stadion.uz/