«Manchester Yunayted» yangi himoyachini tekinga qo‘lga kiritishi mumkin

«Manchester Yunayted» himoya chizig‘ini kuchaytirish maqsadida «Fulxem» futbolchisi Kelvin Bassini o‘z safiga qo‘shib olish imkoniyatini ko‘rib chiqmoqda.

TEAMtalk nashrining xabar berishicha, mankunianliklar himoyadagi mavjud variantlar bilan bog‘liq noaniqliklar sababli yangi futbolchi izlashga kirishgan. Klubning asosiy nomzodlaridan biri sifatida Kelvin Bassi ko‘rilmoqda.

«Qizil iblislar» 2027 yilda nigeriyalik himoyachini o‘z safiga qo‘shib olish imkoniyatini o‘rganmoqda.

Gap shundaki, Bassining «Fulxem» bilan amaldagi shartnomasi kelasi yil yozida o‘z nihoyasiga yetadi. Agar tomonlar yangi kelishuvga erishmasa, futbolchi erkin agentga aylanadi.

Shunday qilib, «Manchester Yunayted» himoyachini hech qanday transfer tovonisiz o‘z safiga qo‘shib olish imkoniyatiga ega bo‘lishi mumkin.

Yangilik manbasi – https://stadion.uz/