Di Lorenso: «Bu chempionatdagi ajoyib start bo‘ldi»

«Napoli» sardori Jovanni Di Lorenso jamoasining Italiya chempionatidagi ishtirokini ajoyib boshlaganini ta’kidladi. Shanba kuni Massimiliano Allegri shogirdlari safarda «Jenoa»ni 2:0 hisobida mag‘lub etdi.

«Birinchi bo‘limda raqib bosim o‘tkazdi, ammo biz buni kutgandik. Ular mavsumdagi ilk uy uchrashuvini o‘tkazayotgandi, shu sababli bunday o‘yinga tayyor edik.

Ikkinchi bo‘limda raqib sur’atni pasaytirdi va biz o‘zimizning kuchli jihatlarimizni namoyish etdik. Bunga zaxiradan maydonga tushgan futbolchilar ham yordam berdi.

Zaxira o‘rindig‘idan o‘yinga qo‘shilgan futbolchilar hal qiluvchi rol o‘ynashi kerak. Bugun kechqurun aynan shunday bo‘ldi. Bu chempionatdagi ajoyib start — safardagi g‘alaba va uch ochko», — deya Di Lorensoning so‘zlarini calcionapoli1926.it keltirdi.

Eslatib o‘tamiz, «Napoli» Italiyaning amaldagi vise-chempioni hisoblanadi. Jamoa keyingi turda «Komo»ga qarshi maydonga tushadi.

Yangilik manbasi – https://stadion.uz/