«Chelsi» o‘z vingerini arzonga bermoqchi emas

Londonning «Chelsi» klubi vingeri Alexandro Garnachoga Angliya Premyer-ligasining boshqa jamoalari tomonidan qiziqish bildirilmoqda. MatchDay Central nashrining xabar berishicha, 21 yoshli argentinalik futbolchi xizmatiga «Sanderlend» va «Tottenxem» klublari ko‘z tikkan.

Biroq hozirda transfer amalga oshishi ehtimoli past baholanmoqda. Bunga asosiy sabab — «Chelsi» rahbariyati o‘z futbolchisi uchun 70 million funt sterling (taxminan 81 million yevro) talab qilayotganidir. Ta’kidlash kerakki, «aristokratlar» Garnachoni o‘tgan yilning avgust oyida «Manchester Yunayted»dan 46 million yevro evaziga sotib olgan edi.

Alexandro Garnacho o‘tgan mavsumda «Chelsi» safida barcha turnirlarda 43 ta uchrashuvda maydonga tushdi. U ushbu o‘yinlarda 8 ta gol urishga va 4 ta golli uzatmani amalga oshirishga muvaffaq bo‘ldi.

Yangilik manbasi – https://stadion.uz/