Ashraf Hakimiy «Real»ni qo‘llab-quvvatlash uchun stadionga keldi

«Pari Sen-Jermen» va Marokash terma jamoasi hujumkor o‘ng qanot himoyachisi Ashraf Hakimiy avvalroq jarohat olganiga qaramay, La Liganing 13-turidagi «Elche» — «Real» uchrashuvini stadiondan kuzatish uchun tribunaga keldi. Futbolchi o‘zining sobiq klubini shaxsan qo‘llab-quvvatlashni ma’qul ko‘rdi.

Hisob mezbonlar foydasiga 1:0 hisobida bo‘lib turgan vaziyat — 61-daqiqada Hakimiy o‘yinni stadiondan tomosha qilayotgani efirda ko‘rsatildi. Uning tashrifi muxlislar e’tiborini tortdi — chunki u o‘zini tarbiyalagan Madrid klubi bilan hali ham yaqin aloqada.

Shuningdek, 20 noyabr kuni Ashraf Hakimiy Afrikaning eng yaxshi futbolchisi deb topilgan edi.

Eslatib o‘tamiz, 5 noyabr kuni Hakimiy Chempionlar Ligasida «Bavariya»ga qarshi o‘yinda jarohat olgan va shu sababli maydonni tark etgan edi.

Yangilik manbasi – https://stadion.uz/