Emeri «Aston Villa»ning Yevropa Ligasidagi mag‘lubiyatidan so‘ng o‘z fikrlarini bildirdi

Yevropa ligasi umumiy bosqichi doirasida Birmingemning «Aston Villa» klubi safarda Niderlandiyaning «Gou Ehed Iglz» jamoasiga 1:2 hisobida imkoniyatni boy berdi. Bu haqda «sherlar» ustozi Unai Emeri o‘z fikrlarini bildirib o‘tdi.

«Mening shogirdlarim ustunlikka ega bo‘lishdi, hisobni ochishdi va vaziyatlar yaratishdi. Biz o‘z imkoniyatlarimizdan foydalana olmadik, raqib esa o‘z imkoniyatlaridan foydalandi. Ular yaxshi o‘ynashdi, himoyada ajoyib o‘yin ko‘rsatishdi. Safarda o‘ynash har doim ham oson emas. Bu muvaffaqiyatsizlikdan xafa bo‘ldik», – deya ispaniyalik mutaxassisning so‘zlarini keltiradi klub matbuot xizmati.

«Aston Villa» Yevropa Ligasidagi navbatdagi o‘yinini o‘z maydonida Tel-Avivning «Makkabi» klubiga qarshi o‘tkazadi.

Yangilik manbasi – https://stadion.uz/