Gyuler Mbappe bilan munosabatlari haqida gapirdi

Madridning «Real» klubi yarim himoyachisi Arda Gyuler Xabi Alonso davrida jamoaning muhim futbolchisiga aylandi.

Kilian Mbappe singari, turk ham «qaymoqranglilar»ning mavsum startidagi muvaffaqiyatining asosiy tarkibiy qismlaridan biri hisoblanadi. Gyulerning o‘zi fransiyalik goleador bilan juda yaxshi til topishib ketganiga ishonmoqda.

«Kuchli tomonlarimiz ajoyib tarzda uyg‘unlashgan. Biz bir-birimizni yaxshi tushunamiz, hammasi oson kechadi. Ba’zida o‘yin oldidan maydonda nima qilishimizni muhokama qilamiz. Ba’zida bir qarashning o‘zi kifoya qiladi,» – deya 20 yoshli xavbekning so‘zlarini keltiradi jurnalist Fabrisio Romano.

Yangilik manbasi – https://stadion.uz/