Postekoglu «Nottingem» amalga oshirgan transferdan xursand

«Nottingem Forest» ustozi Ange Postekoglu Londonning «Arsenal» klubidan ijaraga olingan ukrainalik himoyachi Aleksandr Zinchenko haqida gapirdi.

«Aleksandrning transferi klubimiz uchun ajoyib kelishuv. Bu futbolchini qo‘lga kiritganimizdan xursandman. Zinchenko yuqori darajadagi futbolchi bo‘lib, xalqaro miqyosda katta tajribaga ega. Uning hozir biz bilan ekanligi juda yaxshi,» – deya mutaxassisning so‘zlarini keltiradi BBC.

Joriy mavsumda ukrainalik himoyachi «o‘rmonchilar» safida uchta o‘yinda maydonga tushdi. 28 yoshli futbolchining «Nottingem Forest»ga ijarasi 2026 yilning iyun oyi oxirigacha mo‘ljallangan.

Yangilik manbasi – https://stadion.uz/