Donnarummaning «Manchester Siti»ga o‘tishiga to‘sqinlik qilayotgan jihat ma’lum bo‘ldi

Angliyaning «Manchester Siti» va Fransiyaning «Pari Sen-Jermen» klublari ancha vaqtdan beri italiyalik darvozabon Janluidji Donnarumma transferi yuzasidan kelishuvga erisha olmayapti. Bu haqda Britaniya nashri Mirror xabar berdi.

Manba ma’lumotiga ko‘ra, italiyalik golkiperning ehtimoliy transferidagi asosiy muammo – futbolchining yuqori maoshi. Aytilishicha, Donnarumma «Siti»ga o‘tsa, klubda Norvegiya hujumchisi Erling Xolanddan keyin ikkinchi eng yuqori maosh talab qilmoqda.

Ma’lumotlarga ko‘ra, «shaharliklar»ning braziliyalik darvozaboni Ederson Morayes «Fenerbaxche»ga o‘tishi mumkin (muzokaralar davom etmoqda). Agar bu amalga oshsa, «Manchester Siti» yana bir darvozabon olishga tayyor, ammo «PSJ» futbolchisining shartlariga ko‘nishni istamayapti.

Avvalroq Donnarumma xizmatlariga «Manchester Yunayted» qiziqqan edi, ammo hozircha «qizil iblislar» muzokaradan chiqib ketdi. Shuningdek, italiyalik darvozabonga Turkiyaning «Galatasaroy» klubi taklif yo‘llagan, «Chelsi» esa vaziyatni kuzatib turibdi.

12 avgust kuni Donnarumma «PSJ»dan ketishini ma’lum qilgan edi.

Manba: championat.com

Yangilik manbasi – https://stadion.uz/