«Galatasaroy» Donnarummaning transferi bo‘yicha «PSJ»ga g‘ayrioddiy taklif berdi

Turkiyaning «Galatasaroy» klubi italiyalik darvozabon Janluidji Donnarumma transferi bo‘yicha «Pari Sen-Jermen»ga g‘ayrioddiy taklif bilan chiqdi. Bu haqda jurnalist va insayder Rudi Galetti ijtimoiy tarmoq X orqali xabar berdi.

Manbaga ko‘ra, muzokaralar noan’anaviy formula asosida olib borilmoqda: hech qanday transfer to‘lovisiz, faqat keyingi sotuvdan tushadigan mablag‘ evaziga.

Xabarda aytilishicha, bu qadam bozor qonuniyatlarini izdan chiqarishi va futbolchilar manfaatlarini himoya qilish amaliyotini shubha ostiga qo‘yishi mumkin.

Avvalroq «Manchester Siti» Donnarumma uchun 15 mln yevro taklif qilgani, ammo «PSJ» uni 25–30 mln yevro orasida baholayotgani ma’lum qilingan edi.

Darvozabon 2021 yil yozgi transferida «PSJ»ga qo‘shilgan. Uning parijliklar bilan shartnomasi yana bir yilga mo‘ljallangan. Ilgari klub va futbolchi yangi shartnoma yuzasidan kelisha olmagani haqida xabarlar tarqalgandi.

Manba: championat.com

Yangilik manbasi – https://stadion.uz/