Luis Enrike jazodan qutilib qoldi

Luis Enrike KO‘JCH finalida Joao Pedro bilan bo‘lgan mojaro uchun jazolanmadi.

Eslatib o‘tamiz, «Chelsi» va «PSJ» klublari o‘rtasidagi jahon chempionati finalidan so‘ng londonliklarning g‘alabasi (3:0) tufayli futbolchilar va murabbiylar ommaviy janjalga sabab bo‘ldi.

Janjal vaqtida parijliklar bosh murabbiyi Luis Enrike uchinchi golni urgan «ko‘klar» forvardi Joao Pedroni turtib yubordi. Ispaniyalik qo‘li bilan avval braziliyalikning tomog‘iga, keyin esa yuziga urdi.

L’Equipe nashrining xabar berishicha, Enrike finaldagi tajovuzkor xatti-harakatlari uchun haligacha jazo olmagan.

Ta’kidlanishicha, voqea sodir bo‘lganidan bir yarim oy o‘tgach, FIFA ishni na UYEFAga, na LFP’ga (Fransiya Professional Futbol Ligasi) o‘tkazmagan.

Shu tariqa, Enrike Chempionlar Ligasi va Liga 1’ning navbatdagi o‘yinlarida jamoani boshqarishi mumkin bo‘ladi.

Yangilik manbasi – https://stadion.uz/