«Arsenal» 2024/25 mavsumda 17 muxlisni diskvalifikasiya qildi

«Arsenal» o‘tgan mavsumda 17 nafar muxlisni nomaqbul xatti-harakatlari uchun diskvalifikasiya qildi.

Klub 11 muxlisning 2024/25 yilgi mavsumda stadiondagi haqoratomuz va kamsituvchi xatti-harakatlari, jumladan, tajovuzkorlik, jinsiy zo‘ravonlik, irqchilik, tartibbuzarlik va g‘ayriijtimoiy xatti-harakatlari uchun o‘yinlarga borishi taqiqlanganini aytdi. Yana olti kishi onlayn suiiste’mollik uchun to‘xtatildi – o‘yinchilar va klub xodimlarini suiiste’mol qilgan 4500 ga yaqin xabar Threat Matrix xizmati yordamida tahlil qilindi.

Diskvalifikasiyalar bir yildan uch yilgacha bo‘lgan – bu vaqt ichida muxlislarga «Arsenal»ning uy va safar o‘yinlariga tashrif buyurish taqiqlangan.

Qayd etilishicha, diskvalifikasiya qilingan muxlislar soni kamaygan – 2023/24 yilgi mavsumda «Arsenal» 24 kishiga, 2022/23 yilgi mavsumda esa 31 kishiga nisbatan shunday choralar ko‘rgan.

«Arsenal» shuningdek, to‘qqizta tergov bo‘yicha polisiya bilan hamkorlik qilmoqda, ularning barchasi o‘z ishlari yakuniga qadar to‘xtatilgan.

Yangilik manbasi – https://stadion.uz/